٢ی ئۆکتۆبێر لە لایەن رێکخراوی نەتەوەیەکگرتووەکانەوە وەک رۆژی رێزلێنان لە خەباتی ناتوندوتیژی دیاری کراوە. بۆ ئەم مەبەستە بەرنامەی تەلەفیزیۆنی «هەنگاو» لە کوردکاناڵ و لە رێگای سکایپەوە، وتووێژێکیان لەگەڵ من کرد.
لەم وتووێژەدا پێناسەیەکی کورت لەمەڕ خەباتی ناتوندووتیژی کراوە و ئاماژەیەکی تاپۆلۆژیک بە رووکردەکانی ناتوندوتیژیش کراوە ، واتە: خەباتی ناتوندوتیژی وەک پرەنسیب، وەک ستراتیژی، وەک تاکتیک و وەک مەعنەوی. لە بەشی پێناسەکردنی مەعنەوی خەباتی ناتوندوتیژیدا، باسم لە پێشەوا قازی مەحەمد و کارتێکەری مەعنەوی بیری ناتوندوتیژی پێشەوا لەسەر خەباتی میلی دێمۆکراتیکی کوردستانی ئێران کرد.
لە پرسیاری دووهەمدا باس لە کاریگەری ژنان لەسەر ئەم خەباتە کرا .
لە پرسیاری سێهەمدا روانگەیەکی خەسارناسیانە هاتەبەر باس لەسەر بزووتنەوە مەدەنییەکان و بەتایبەت بزاڤی ژنان لە کوردستانی ئێران.
لە پرسیاری کۆتاییدا باسی ئەوە کرا کە خەباتی میللی دێمۆکراتیکی کورد لە ئێران خاوەنی مەعنەویاتی ناتوندوتیژییە و پێویستە بە هیمەت و ئیرادەی چالاکانی سیاسی و مەدەنی ئەم خەباتە بەرەو ستراتیژی ناتوندوتیژی بچێ بۆ ئەوەی گشت پێهاتەکانی کۆمەڵگا بەشدار بن لە خەباتی رەوای کورد. بۆ ئەم مەبەستە پێویست دەکا ژنان واز لە حزووری زەرووری بێنن و هەوڵ بدەن حزوورێکی دیاریکەریان (تعیین کنندە) لە خەباتی ناتوندوتیژیدا هەبێ.
roonahy.com 
وەڵامێک بنووسە